نار الأسعار تكوى مصر
الأسعار فى مصر لا تعرف إلا اتجاه واحد تعرف الارتفاع ولا تعرف الهبوط نحن لم نعرف سلعة تراجعت أسعارها عرفنا أن كل السلع أصابها الجنون بعد أن خرج علينا الوزير المبتسم هادئ الأعصاب رجل الأعمال رشيد بحزمة اقتصادية لان الأسعار العالمية ارتفعت و السوق حرة و منقدرش نسير ضد التيار لأننا نتبع السوق الحرة و النظام الرأسمالي قصدي ألرأسمالهم لأننا لم يعد لدينا مال المال مالهم و إحنا مالنا و مالهم
الأسعار فى العالم كله نزلت نفس الوزير ببسمته المعهودة و أعصابه الهادئة بطلعته البهية قال لنا بقل هدوء اصل التجار مش عايزين يخفضوا الأسعار !!!!!!!!!!! يا جمالك
أين الحكومة ؟؟؟ أين الدولة؟؟؟؟؟؟
الحل بسيط الناس تقاطع السلع وهم حيضطروا يخفضوا
السيارات أسعارها نزلت فى كل العالم – بس مصر خارج العالم
أسعار السيارات لازم تزيد فى مصر عكس العالم كله
ليه بس يقولوا علشان الصناعة الوطنية نحافظ عليها
طيب ليه الصناعة الوطنية ميكونش عندها دم و تبيع زى كل دول العالم
ولا تروح الصناعة الوطنية فى مليار داهية
إحنا شفنا أيه من الصناعة الوطنية؟ وهو التجميع صناعة وطنية ؟
حد ممكن يقول لى ليه الجمارك على السيارات فى مصر اكبر من جمارك السيارات فى كوريا وتركيا و ماليزيا ودى دول عندها صناعة سيارات متقدمة
ليه السيارات فى مصر نااااااااااااااااااااااااااااار مولعة ؟ ليه متدخلش العربية إلا موديل السنة الحالية؟ هو لو دخلت العربية موديل السنة الماضية زيرو حتكون كارثة فى مصر
هى الحكومة عاجزة عن استيراد السلع الغذائية و توفيرها بالأسعار الجديدة ؟
لو عاجزة ترحل فى ستين مليار .............
من المضحك المبكى خبر يتصدر الصفحات الأولى إن وزير الابتسامة الصفراء اجتمع مع ممثلى التجار علشان يقنعهم بتخفيض الأسعار
سوق حرة بقى
أصبح مفهوم السوق الحرة عندنا إنها سوق حرة لكل حرامى و تاجر جشع يمص دم الغلابة زى ما هو عايز
ومولد وصاحبة غايب
سحقا لحكومة اغلب وزراءها من التجار و رجال الأعمال
ليست هناك تعليقات:
إرسال تعليق